State-Level Panel Discussion on Indo-US Trade Deal Held in Guwahati

Guwahati, February 21: A State-Level Panel Discussion on the Indo-US Trade Deal was organized today by the Indian Commerce Association, Guwahati Branch, in association with Icon Commerce College, at its campus in Guwahati. The programme witnessed the participation of eminent academicians, institutional heads and commerce professionals from across Assam.

The event began with the ceremonial lighting of the lamp followed by felicitation of distinguished guests, including Prof. Bipul Das, Principal of Gauhati Commerce College, Prof. Sujit Sikidar, President of the Association’s Guwahati Branch, and Dr. Mandira Saha, Principal of Icon Commerce College.

Prof. Sujit Sikidar highlighted the objectives of the discussion and emphasized the growing significance of Indo-US trade relations in shaping India’s economic future. The panel discussion was formally inaugurated by Prof. Bipul Das, who underlined the importance of academic dialogue in understan

বৰ্ষাপাৰা 2.0, পাহৰণিৰ গৰ্ভত হেয়াৰ ড্ৰায়াৰৰ কাহিনী…

দেশৰ ক্ৰীড়াৰ ৰাজধানীত পৰিণত হৈছে অসম। ক্ৰিকেটৰ ক্ষেত্ৰতো ইয়াৰ ব্যতিক্ৰম নহয়। বিগত নৱেম্বৰত প্ৰথমখন আন্তঃৰাষ্ট্ৰীয় টেষ্ট আয়োজন কৰি বিশ্বৰ ক্ৰিকেট বিশেষজ্ঞসকলৰ পৰা ভূয়সী প্ৰশংসা বুটলিবলৈ সক্ষম হৈছিল বৰ্ষাপাৰা ক্ৰিকেট ষ্টেডিয়াম তথা আয়োজক অসম ক্ৰিকেট সন্থাই। দক্ষিণ আফ্ৰিকাৰ বিৰুদ্ধে অনুষ্ঠিত টেষ্টখনত অৱশ্যে ভাৰতে ৪০৮ ৰানৰ বিশাল ব্যৱধানত পৰাস্ত হৈছিল। ক্ৰিকেটৰ ক্ষুদ্ৰ সংস্কৰণৰ দপদপনি আৰম্ভ হোৱাৰে পৰা ৫ দিনলৈ চলা টেষ্টৰ সংখ্যা কমি অহাৰ সময়তে গুৱাহাটীয়ে আয়োজন কৰা একমাত্ৰ টেষ্টখন সম্পূৰ্ণ ৫ দিনলৈ চলিছিল। প্ৰথম দিনাৰ পৰা মেচখনৰ শেষ বলটোলৈ বৰ্ষাপাৰাৰ পিটছ, আউটফিল্ডে নিৰাশ কৰা নাছিল দুয়োটা দলক। আনহাতে ঠিক ইয়াৰ আগে আগে মহিলা বিশ্বকাপৰ উদ্বোধনী আৰু ছেমি ফাইনেলৰ দৰে গুৰুত্বপূৰ্ণ মেচ আয়োজন কৰাৰো সৌভাগ্য ঘটিছিল বৰ্ষাপাৰা ষ্টেডিয়ামৰ। ইয়াৰ উপৰিও মহিলা বিশ্বকাপৰ গ্ৰুপ পৰ্যায়ৰ মেচো অনুষ্ঠিত হৈছিল গুৱাহাটীত। এই সময়ছোৱাতে অসমবাসীয়ে ঈশ্বৰপুত্ৰ, হিয়াৰ আঁমঠু জুবিন গাৰ্গক হেৰুৱাই ম্ৰিয়মান হৈ আছিল। নহ’লে মহিলা বিশ্বকাপৰ সময়তো ক্ৰিকেটৰ উন্মাদনাই অসমত আকাশৰ উচ্চতাক স্পৰ্শ কৰিলেহেঁতেন তাত কোনো সন্দেহ নাই।

এতিয়া T20ৰ বতৰ। T20 বিশ্বকাপলৈ মাজত এমাহৰো কম সময়। সেয়েহে T20 বিশ্বকাপৰ পূৰ্বে অত্যন্ত গুৰুত্বপূৰ্ণ হিচাপে বিবেচিত হোৱা নিউজীলেণ্ডৰ বিৰুদ্ধে খেলা ৫খন T20 শৃংখলাৰ তৃতীয়খন মেচ আয়োজন কৰাৰ দায়িত্বও লাভ কৰিছে ACAৰ বৰ্ষাপাৰা ষ্টেডিয়ামে। ইতিমধ্যে ২-০ৰ অগ্ৰগতি লাভ কৰা টীম ইণ্ডিয়াৰ শৃংখলাটো নিজৰ নামত কৰাৰ বাবে এয়াই সুৱৰ্ণ সুযোগ। কাৰণ এই শৃংখলাটো দখল কৰিব পাৰিলে প্ৰবল আত্মবিশ্বাসেৰে বিশ্বকাপলৈ আগবাঢ়িব পাৰিব SKYবাহিনীয়ে। কিয়নো টীম ইণ্ডিয়াৰ সমুখত আছে তৃতীয়বাৰলৈ T20 বিশ্বকাপৰ চেম্পিয়ন হোৱাৰ লক্ষ্য। এতিয়ালৈ কোনো এখন দেশেই দুবাৰতকৈ অধিক T20 বিশ্বকাপৰ চেম্পিয়ন হোৱা নাই। আনহাতে আলহী দলটোৰ বাবে গুৱাহাটীৰ মেচখনেই হ’ব মৰণপণ যুঁজৰ সময়। শৃংখলাটোত বৰ্তি থাকিবলৈ কিৱিবাহিনীয়ে বৰ্ষাপাৰাৰ মেচখনত জিকিবই লাগিব। ইতিমধ্যে টীম ইণ্ডিয়াৰ অধিনায়ক সূৰ্যকুমাৰ যাদৱে বিশ্বকাপৰ পূৰ্বে ঘূৰাই পাইছে হেৰুওৱা ছন্দ। দীৰ্ঘদিনৰ মূৰত জাতীয় দললৈ উভতি অহা উইকেটকীপাৰ বেটাৰ ঈশান কিষাণেও ঘৰুৱা ক্ৰিকেটৰ দুৰ্দান্ত ফৰ্ম অব্যাহত ৰাখিছে। অৱশ্যে প্ৰথম পছন্দৰ উইকেটকীপাৰ বেটাৰ সঞ্জু ছেমছনৰ ফৰ্মহীনতাই গৌতম গম্ভীৰ তথা টীম ইণ্ডিয়াৰ শিবিৰক চিন্তাত ৰাখিব। সেয়েহে সঞ্জু ছেমছনৰ বাবেও গুৱাহাটীৰ মেচখন হ’ব অত্যন্ত গুৰুত্বপূৰ্ণ। আঘাতৰ সমস্যাৰে যুঁজি নাথাকিলে অসম সন্তান ৰিয়ান পৰাগেও আঘাতৰ বাবে দলৰ পৰা বাহিৰ হোৱা ৱাশ্বিংটন সুন্দৰৰ স্থানত টীম ইণ্ডিয়াৰ শিবিৰত যোগ দিয়াৰ সুযোগ পালেহেঁতেন। আঘাতৰ বাবেই ঘৰৰ মাটিত জাতীয় দলৰ পোছাক পৰিধান কৰাৰ পৰা বিৰত থাকিবলগীয়া হ’ল ৰিয়ান পৰাগ। দেওবাৰে সন্ধিয়া ৭ বজাৰ পৰা অনুষ্ঠিত হ’বলগীয়া মেচখনত বিয়লি ৪ বজাৰ পৰা দৰ্শকে ষ্টেডিয়ামত প্ৰৱেশ কৰিব পাৰিব। ইতিমধ্যে মেচখনৰ প্ৰায় সকলো টিকট বিক্ৰী হৈছে। ICC আৰু BCCIৰ নিয়ম অনুসৰি নিৰ্মাণ কৰা হৈছে পিটছ। প্ৰতিখন মেচৰ দৰে এইবাৰো সুৰক্ষা, কটকটীয়া নিৰাপত্তাৰ সুন্দৰ ব্যৱস্থা কৰা হৈছে বুলি জানিব পৰা গৈছে।

বৰ্ষাপাৰাত আন্তঃৰাষ্ট্ৰীয় ক্ৰিকেটৰ ব্যক্তিগত সৰ্বাধিক স্ক’ৰ হৈছে ৰোহিত শৰ্মাৰ। ২০১৮ত ৱেষ্ট ইণ্ডিজৰ বিৰুদ্ধে এদিনীয়া আন্তঃৰাষ্ট্ৰীয়ত ৰোহিত শৰ্মাই খেলিছিল অপৰাজিত ১৫২ ৰানৰ ইনিংছ। ইয়াৰ উপৰিও বিৰাট কোহলিৰ দুটাকৈ, ৱেষ্ট ইণ্ডিজৰ ছিমৰন হেটমায়াৰ আৰু শ্ৰীলংকাৰ দাছুন ছানাকাৰ নামতো আছে এদিনীয়া আন্তঃৰাষ্ট্ৰীয়ৰ এটাকৈ শতকীয় ইনিংছ। আনহাতে বৰ্ষাপাৰাত সম্প্ৰতি টীম ইণ্ডিয়াৰ শিবিৰৰ পৰা বাহিৰত থকা ঋতুৰাজ গাইকোৱাড আৰু অষ্ট্ৰেলিয়ান অলৰাউণ্ডাৰ গ্লেন মেক্সৱেলৰ নামত আছে T20Iৰ এটাকৈ শতকীয় ইনিংছ। ২০২৩ৰ ২৮ নৱেম্বৰত অষ্ট্ৰেলিয়াৰ বিৰুদ্ধে টীম ইণ্ডিয়াই খেলা মেচখনতে আহিছিল এই দুয়োটা শতক। ৰোমাঞ্চকৰ মেচখনত অষ্ট্ৰেলিয়াই ৫ উইকেটত পৰাস্ত কৰিছিল ঘৰুৱা দল ভাৰতক। আনহাতে দক্ষিণ আফ্ৰিকাৰ ডেভিড মিলাৰৰ নামতো বৰ্ষাপাৰাত আছে T20Iৰ আন এটা শতকীয় ইনিংছ। বৰ্ষাপাৰা ষ্টেডিয়ামত T20Iৰ সৰ্বাধিক স্ক’ৰ হৈছে ২৩৭ ৰান। ২০২২ৰ ২ অক্টোবৰত দক্ষিণ আফ্ৰিকাৰ বিৰুদ্ধে টীম ইণ্ডিয়াই সংগ্ৰহ কৰিছিল এই ৰানৰ পাহাৰ। বৰ্ষাপাৰা ষ্টেডিয়ামৰ প্ৰথমখন T20I অনুষ্ঠিত হৈছিল টীম ইণ্ডিয়া আৰু অষ্ট্ৰেলিয়াৰ মাজত। মেচখনত অনায়সে আলহী দল অষ্ট্ৰেলিয়াই পৰাস্ত কৰিছিল ভাৰতক। এই পৰ্যন্ত বৰ্ষাপাৰাই আয়োজন কৰিছে এখন আন্তঃৰাষ্ট্ৰীয় টেষ্টকে ধৰি ৮খন ODI আৰু ৬খন T20I মেচ। ইয়াৰ উপৰিও IPLৰ দল ৰাজস্থান ৰয়েলছেও ঘৰুৱা গ্ৰাউণ্ড হিচাপে ব্যৱহাৰ কৰি আহিছে বৰ্ষাপাৰা ষ্টেডিয়ামক। প্ৰতিবছৰে অতি কমেও এখনকৈ হ’লেও আন্তঃৰাষ্ট্ৰীয় মেচ আয়োজনৰ দায়িত্ব লাভ কৰা বৰ্ষাপাৰা ষ্টেডিয়ামক কলুষিত কৰা অষ্ট্ৰেলিয়ান দলৰ বাছলৈ শিল দলিওৱা, বৰ্ষাবিঘ্নিত পিটছক হেয়াৰ ড্ৰায়াৰেৰে শুকুওৱাৰ চেষ্টা কৰা ঘটনাবোৰ এতিয়া পাহৰণিৰ গৰ্ভত। এনেবোৰ ঘটনাৰ পিছত ACA আৰু অসম চৰকাৰৰ যুটীয়া প্ৰচেষ্টাত সুন্দৰকৈ কেইবাখনো বিশ্বমানৰ খেল ক্ৰিকেট অনুৰাগীক উপহাৰ দিছে বৰ্ষাপাৰা ষ্টেডিয়ামে। BCCIৰ সচিব দেৱজিৎ লন শইকীয়াকে ধৰি সুস্থ মানসিকতাৰে ষ্টেডিয়ামলৈ প্ৰৱেশ কৰা দৰ্শকসকলো ইয়াৰ বাবে নিশ্চয়কৈ শলাগৰ পাত্ৰ।

নুমলীগড়ৰ ৩৯নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা